Għan-nom tal-Għarb Klubb ta' Melboune nilqghakom għat-tieni festa tal-Viżitazzjoni li qed niċċelebraw f'Melbourne.

L-ewwel festa saret sena ilu u kienet ta' suċċess kbir. Mhux biss kien hemm nies dixxendenti mill-Gharb imma anke nies li ma kellhom l-ebda konnessjoni mal-Għarb li ġew jiżżelebraw il-festa magħna. Il-punti prinċipali ta' din il-festa kienu it-Tberik tal-banner tal-Viżitazzjoni u r-riċeviment li kellna. Nirringrazzjaw lil dawk kollha li pparteċipaw.

Meta ġie ffurmat il-Klubb ta' Melbourne, kienet viżjoni tal-kumitat ta' voluntiera - Franky DeBrincat, Emmanuel Cauchi, Michael Apap, Sam Apap u Joe Mizzi li tiżdied il-popolarita ta' dan il-klubb. Wara iċ-ċelebrazzjoni tal-lum, kulħadd sa jkollu l-opportunita li jsir membru f'dan il-klubb tagħna.

Il Klub tal-Għarb ta' Melbournce jixtieq jilqghakom għaċ-ċelebrazzjoni tal-Festa tal-Viżitazzjoni tal-Madonna lil Santa Eliżabetta.

Ħafna minna llum għandhom konnesjoni mar-raħal tal-Għarb f'Malta u dawn jifhmu s-sinjifikat tal-festa tal-Viżitazzjoni. Ghalhekk flimkien man-nies tal-Għarb aħna wkoll ninghaqdu biex niċċelebraw din il-festa għażiża.

L-attivitajiet tal-lum sa ftit xhur ilu kienu biss ħolma. Imma kumitat ta' persuni dixxendenti mill-Għarb għamluha realta billi iffurmaw il-klub tal-Għarb ta' Melbroune u ddeċidew li jiċċelebraw il-festa tal-Viżitazzjoni kull sena.

Hija l-ħolma tagħna li din il-festa ssir punt ta' riferiment għal dawk kollha residenti f'Melbourne li għandhom xi konnesjoni mal-Għarb. Nixtiequ wkoll li bl-attivitatijiet tagħna nghaqqdu aktar il-komunita flimkien.

Fl-aħħar, nixtiequ nirringrazzjaw lis-sindku tal-Għarb, David Apap talli personalment ħallas għal banner tal-Viżitazzjoni li sa jkun mbierek minn Fr. Bonello. Dan il-banner sa jintqua fiċ-ċelebrazzjonijiet tagħna bħala simbolu tal-Klubb tal-Għarb f'Melbourne.